Smávva doaimmat=buoret beaggin ?

Bessen duo barggu oktavuođas gullat go okta journalistta muitalii movt sii barget go galget áššiid rahkadit. Ii oro gal beare álki oaččut áššiid mediá, guhkiin eret daid positiivvalaš áššiid. Dat ferte vuos juoga ođas ja dakkár mii geasuha, muđui eai gille čállit dan birra.
Ja mediás lea ge stuora váldi, dan mii doppe čuočču šaddá duohtavuohtan. Ii ge dat leat čiegusvuohta ahe dat ollut negatiivvalaš áššit boazodoalu birra čuhcet ealáhussii, olbmot eai dovdda ealáhusa eará mediačállosiid bokte ja nu šaddá heitot beaggin olles ealáhussii.
Mediá ii dáidde goit stivremis, sin bargu han lea gávdnat áššiid main leat konflivttat ja negatiiva bealit. Ja vaikke makkár ášši livčče, dan nagodit jorahit heajut guvlui vai oččot eanet lohkiid áššiide.
Movt son de galggašii oaččut media čállit positiivvalaš áššiid?
Gullen dan journalisttas ahte dus ferte goit leat vuos juoga maid muitala, áinnas juoga ođas ja erenoamáš, ja de fertet máhttit dán muitalit dainna lágiin ahte geasuha dán birra rahkadit ášši.

Pål Hivald gal lohká ahte beaggin(omdømme) iešálddis ii  vuolgge das maid mediá čállá, muhto makkár oaidnu olbmuin lea ealáhussii. Seammá oaidnit dán govas maid Nils Apeland geavahii go muitalii boazodoalu beaggima birra.

Nils Apeland
Nils M. Apeland (Det gode selskapet 2011)

Dát maid goit sáhttá ieš stivret lea dát vuolemus čuokkis; dan maid ieš dahká ja lohka.
Dien guovtti eará oasis sáhttá goit juobe geahččalit váikkuhit buoret beaggimii.

Diet guokte eksperta leaba ge goappešagat buktán buriid evttohusaid movt bargat viidásit, erenoamážit movt ealáhus ja NBR obbalaččat galgá bidjat plánaid buoridit boazodoalu beaggima ja gulahallama servodagain. Ja dat lea ge dehálaš bargu maid sii fertejit vuoruhit, ja bargat organisašuvdna dásis, muhto..

… Nabai son dat ovttaskas boazodoalli?
Maid sáhttá son bargat beaggima buoridit ahte servodaga “goodwill” lassána boazodoalu ektui?
Okta maid sihkkarit goit sáhttá ieš dahkat;  juogadit  eanet daid buriid beliid ja vásáhusaid mat leat boazodoalus , nu ahte olbmuin maid šaddet albma ja duohta vásáhusat boazodoalus go dušše dat mii media bokte lea. Ja jus nagoda baikkalaš olbmuide oaččut dan jurdaga ahte dát han lea sin boazodoallu maid, ii ge dušše daid geat das barget, de soaitá sis šaddá eanet eaiggátvuohta ealáhussii ja nu maid eanet hállu bisuhit ja doarjut boazodoalu juohke áššis.

Ja ii soaitte gáibidit nu olu dát, nugo omd. dušše dat ahte mánáidgárddit ja skuvllat besset boahtit gardde lusa vásihit bohccuid ja boazodolliid eallima, lea goit buorre álgu.
Go vel Guovdageainnus, mii lea stuorimus boazodoalu guovlu,  leat olu mánát geat muđui eai livčče beassat vásihit miessemearkuma jus eai livčče mánáidgárdde mielde doppe.

Jurddáš dát lea sihkkarit oba erenoamáš ja somás vásahus maid dát mánát muitet oba guhka, ja nu álggaha dien barggu juo dalle.
De jo oččot juogalágan oktavuođa ja eaiggátvuođa boazodollui, go leat beassan vásihit ja váldet oasi dán ealáhussii.
Ja gii diehtá, soames dáin mánáin soaitá moaddelot jagi maŋŋel čohkkat dakkár beavddeduohke gos dahkkojit mearrádusat mat váikkuhit boazodollui. De gal doaivvun dan olbmos soaitá goit eanet eaiggátvuohta ja nu maid eanet hállu ipmirdit boazodoalu beali, go dakkár gii lea dušše media bokte oahpásnuvvan boazodollui.

Eai dárbbat álo nu stuora doaimmat
Diekkár smávit doaimmat main dalle boahtá veaháš ruhta boazodoallái gii gille lágidit dakkár fálaldaga soaitá stuorat árvu áiggi vuollái go maid oba jáhka ge.
Dat lea hui dehálaš juogadit vai olbmot, erenoamážit lagas birrasis,  besset searvat boazodollui dehe jobe oaččot juogalágan oktavuođa dasa.Dainna vugiin geahččala goit juobe dahkat nu ahte olbmuin lea buorre vásahus boazodoaluin, dieinna lágiin geahččalat váikkuhit “omdømme” buori guvlui.
Ja muhtomin soaitá media beroštit rahkadit ášši go fal lea erenoamáš ja ođas, nugo mat dán áššis 
Kárášjogas gos demeansa olbmuide lea fálaldat vuolgit ealo lusa.

Dávjá han lea hupmu álggahit duoid dáid prošeavttaid go galgá dál dán gullon omdømme buoridit, muhto  ii leat dárbu álo stuora prošeavttaid  bidjat johtui go galgá buoridit beaggima, muhto juohke smávit doaibmá soaitá maid olu ábuhit.

Dieđusge visot dakkár doaimmat ea návccaid, ja eai buohkain leat návccat dasa. Olu návccat han mannet eará áššiiguin bargat, lassin beaivválaš boazobargguide, nu ahte gudni sidjiide geat juogadit buriid beliid boazodoalus, leaš dál lagas biras olbmuide dehe turisttaide.

MiessiBeaggin lea dehálaš olles boazodoalu birgemii, nugo diet guokte ekspeartta lohkaba. Sihke oaččut doarjaga servvodagas áin ceavzit, nugo mearrádusain earet eará eananáššiin, ja maiddái jođihit boazodoalu buktagiid.

Boahtteáiggis  šaddá sihkkarit vel deháleappo bargu juogadit buriid beliid servodagain , nu ahte manne ii álgit dainna mainna sáhttá dahkat juoidá ?

Ferten vel juogadit somás filmmaža earret eará iežán áhkus  http://www.youtube.com/watch?v=w_OJcg2h5CY

Advertisements
Posted in Boazodoallu | Tagged | Leave a comment

Giellabeaivi

Ihttin lea europalaš giellabeaivi, ja de heive ge čállit dan birra go ledjen duo moadde beaivve áigi Ivar Aasen tunas Ørstas. Ivar Aasen lei son gii čokkii ođđadárogielat sániid ja rahkadii dan čállingiela 1800 logu gaskamutto rájes gitta lohpi. Dát visti lea ráhkaduvvon dan baikái gos son bajásšattai, ja doppe leat áin muhtin dáin dološ vistin ceaggame. Ieš dat musea ii leat nu boaris, muhto ođđa fiinna viessu.
Dát leage davviriikkaid áidna giellamusea.

Doppe ledje olu somás diŋggat;

bilde 1 bilde 5_1

 

bilde 1_1Bađavuloš-sitteunderlag

 

 

 

 

 

 

bilde 2_2

 

 

 

 

 

 

bilde 4

Sápmelaš maid dán museas, ja veaháš sámegiela birra.

 

 

 

 

Jurddašan ge mis galggašii maid dakkár fiinna viessu/musea, vaikko Áillohačča namas, dehe jo sámi giella/girjjálašvuođa birra. Mis ii leat varra dušše okta olmmoš ovddidan min giela, muhto máŋggas guhkitáigge badjel.

bilde 4_1

 

 

 

 

 

 

 

Dát lei buorre dajáldat, sihkkarit oalle oahpis maid.

 

 

 

Posted in Giella | Leave a comment

Vuosttas / første

Geahccaladdame. Joavdelasvuodas rahkadin dan blogga, beasan aigegollun callit feara maid ain fuobman.

Posted in Uncategorized | Leave a comment